खारेज भएको स्मार्ट टेलिकमको विषयमा नियामक निकाय नेपाल दूरसञ्चार प्राधिकरणले पुनः अर्को सूचना जारी गरेको छ । स्मार्ट टेलिकम प्रा.लि.को सबै सम्पत्ति नियन्त्रणमा लिएको प्राधिकरणले आज फेरि एउटा सूचना जारी गर्दै स्मार्ट टेलिकमले व्यक्ति तथा संस्थालाई तिर्नुपर्ने दायित्व सबै उसकै हुने जनाएको छ ।
२०८० साल बैशाख २१ गतेसम्मको सम्पूर्ण दायित्व स्मार्ट टेलिकम आफैंले ब्योहोर्नुपर्ने प्राधिकरणले जनाएको छ। संस्था र व्यक्तिलाई तिर्नुपर्ने वा बुझाउनुपर्ने बक्यौता भए त्यो स्मार्ट टेलिकमकै दायित्वमा पर्ने जनाएको प्राधिकरणले जनाएको छ ।
‘स्मार्ट टेलिकम प्रा.लि.लाई नेपाल दूरसञ्चार प्राधिकरणले नियन्त्रणमा लिनु अगाडि (मिति २०८०÷०१÷२१ गते) स्मार्ट टेलिकम प्रा.लि.बाट संस्था÷सर्वसाधारण व्यक्तिलाई तिर्नु÷बुझाउनुपर्ने बक्यौता निज प्रा.लि.कै दायित्व भएको हुँदा सम्पूर्ण दायित्व स्वयम् स्मार्ट टेलिकम प्रा.लि.ले नै व्यहोर्नुपर्ने र यसमा नेपाल सरकार वा प्राधिकरणको कुनै दायित्व नहुने’ प्राधिकरणले जारी गरेको सूचनामा भनिएको छ ।
