संस्कृति, पर्यटन तथा नागरिक उडड्यन मन्त्री योगेश भटराईले ताप्लेजुङका स्थानियको कोरोना बीमा गरेका छन् । केही समयअघि कोरोना संक्रमण पुष्टि भएर निको भएका मन्त्रीले कोरोना बीमाको रकमबाट आफ्नो निर्वाचन क्षेत्रका १५ सय बढी स्थानीयको बीमा गरेको बताएका हुन् ।
कोरोना बीमा बापत आएको १ लाख रकमबाट मन्त्रीले केही दिनअघि मात्र ताप्लेजुङका ३ सय न्यून आय भएका विपन्न, विद्यार्थी, असहाय तथा मजदूरहरुको कोरो बीमा गरिएको मन्त्रीका स्वकिय सचिव प्रेम गुरागाई बताउँछन् । उनका अनुसार यसअघि मन्त्रीले तलव र भत्ताको रकमबाट १२ सय ७६ जना स्थानीयको कोरोना बीमा गरेका थिए ।
दुई पटक गरी मन्त्रीले १५ सय ७६ स्थानीयको कोरोना बीमा गरेको जनाईएको छ ।
