हिमाली जिल्ला मनाङको माथिल्लो क्षेत्रमा बिहीबार विहानबाट हिउँ पर्न
थालेको थालेको छ ।स्थानियका अनुसार मंगलबार रातिदेखि परेको अविरल बर्षाका कारण
बिहीबारबाट हिउँ पर्न थालेको हो ।
मनाङ ङिस्याङ गाउँपालिका अध्यक्ष
कान्छा घलेका अनुसार तीन दिनदेखि निरन्तर परेको बर्षाले हिउँ पर्न थालेको छ । चिसो
बढेको छ । हिउँले डाँडाकाँडा सेताम्मे भएको छ ।
मनाङको ङिस्याङ गाउँपालिका र नार्पाभूमि गाउँपालिकाका क्षेत्रमा हिउँ परेको
छ । माथिल्लो क्षेत्रको थोराङलापास,
बेसक्याम्प, याकखर्च, तिलिचो क्षेत्रमा हिमपात भइरहेको छ । मनाङमा सन् २०१४ को अक्टोबर २० मा हिऊ
परेको थियो । त्यसपछि अक्टोबर २० भन्दा अघि हिउँ परेको थिएन । यसबर्ष भने अक्टोबर
६ मै हिउँ परेको हो ।
हिउँ पर्न थालेपछि चिसो बढेको छ भने वस्ती
माथिका डाँडाहरु सेताम्मे भएका छन् ।
हिमपातका कारण बिजुली बन्द छ ।
इन्टरनेट प्रभावित छ । मोबाइल नेटवर्कमा पनि समस्या भएको स्थानीयले बताएका छन् ।
यसबर्ष २ महिना अघि देखि नै हिमपात भएको हो । मनाङका प्रमुख जिल्ला अधिकारी
रविन्द्रप्रसाद आचार्यका अनुसार केही दिनदेखि लगातार भइरहेको मनसुनी प्रभावका कारण
भारी बर्षा भएको थियो । बर्षापछि नार्पाभूमि र मनाङ ङिस्याङ गाउँपालिकालगायतको
उच्च भूभागमा हिमपात भएको छ ।
उनले नागरिकलाई निरन्तर हिमपात भइरहेकाले सचेत रहन भनिएको बताए । उनले भने हिमपात
बढ्न सक्ने भएकाले घरभित्रै बस्न,
न्यानो कपडा लगाउन, आगो तापेर बस्न अनुरोध गरिएको छ ।