जुगल हिमश्रृंखला अन्तर्गत पर्ने
गाङछेँपो हिमाल (६,३७८ मिटर) सिन्धुपाल्चोक जिल्लातर्फको मोहडाबाट पहिलोपटक
सफल आरोहण भएको छ ।
न्यू भिजन नेपालको आयोजना तथा गरिमा
भोयज टुर्स एण्ड ट्राभल्सको समन्वयमा टोलीमा ५ सदस्यहरू सानू शेर्पा, रबिन्द्र अर्याल, अशोक शर्मा भट्ट, लाल
बहादुर वाइबा र रामकाजी तिवारी हिमालको चुचुरोमा पुग्न सफल भएका हुन ।
टोलीमा रहेका आठहजारभन्दा माथी
उचाइका विश्वको १४ वटै हिमालको दुइ पटक सफल आरोहण गरिसकेका चर्चित नेपाली
पर्वतारोही सानु शेर्पा र एनएमएका सञ्चालक समिति सदस्य लालबहादुर वाइबाले मंसिर २३
गते (नोभेम्बर ९) बुधबार र टोली नेता तथा गरिमा भोयज टुर्स एण्ड ट्राभल्सको संचालक
रबिन्द्र अर्याल, न्यू भिजन नेपालका अध्यक्ष अशोक
शर्मा भट्ट र मुगानका महासचिब रामकाजी तिवारीले मंसिर २५ गते (नोभेम्बर ११)
शुक्रबार हिमालको चुचुरोमा पुगेका हुन् ।
दिगो पर्यटनद्वारा स्थानीय समुदायको
भविष्यको विकास गर्ने लक्ष्य लिएर उक्त हिमाल आरोहण तथा ट्रेकिङका लागि ल्यान्छिङ
पासको रुट हुदै नयाँ बाटो खुलाउदै सिन्धुपाल्चोक र रसुवाको पर्यटन विकाशमा नयाँ
गन्तब्य विकाश गर्ने योजना रहेकोमा सो लक्ष्य तथा योजना सफल रूपमा सम्पन्न भएको छ
।
इटालीका प्याराक्लाइम्बिङ टोलीका
विश्व च्याम्पियन सिमोन सालभाग्निन र सगरमाथा आरोही तथा अन्तर्राष्ट्रिय माउन्टेन
गाइड लुका मोन्टानारी र डी’एमिलिया अलेसेन्ड्रो, डेला मुरा मार्कोसहित नेपाली आरोहीको टोली आरोहणको लागि कार्तिक १२ गते (ओक्टोबर २९) शनिबार त्यसतर्फ
प्रस्थान गरेका थिए । आरोहण टोलीले काठमाडौँदेखि मेलम्ची हुँदै भोटाङसम्म गाडी
यात्रा गरेका थिए ।
त्यसपछि टुपी, डाँडा, नोस्याङपाटी, पाँचपोखरी, छ्याक्साल, ल्याङसिङ भ्याली हुँदै दक्षिण वेसक्याम्पसम्म पैदल यात्रा गरेका थिए ।
सो क्रममा टोलीलाइ पाँचपोखरी थाङपाल गाँउपालिकामा गापा अध्यक्ष, उपाध्यक्ष लगायतले एक कार्यक्रम गरी भव्य स्वागत
गरेका थिए ।
त्यस्तै स्थानीय वासिन्दाले समेत
टोलीलाइ नाचगान लगायतका कार्यक्रम गरी स्वागत गरेका थिए । टोलीको यस आरोहण अभियानलाई इटालीको एक प्रतिष्ठत
कम्पनी मोन्टुरा आउटडोर कम्पनी, पर्यटन
बोर्ड, नेपाल पर्वतारोहण संघ, ट्रकिङ एजेन्सीज एसोसियसन्स नेपाल, माउन्टेन गाइड एसोसियसन नेपाल, माछापुच्छ्रे बैंक लगायतले साथ दिएका थिए ।
