नेपाल र कम्बोडियाबिच पहिलोपटक दुईपक्षीय हवाई सम्झौता भएको छ। प्रधानमन्त्री केपी शर्मा अोली र कम्बोडियाका प्रधानमन्त्री हुन सेनको उपस्थितिमा संस्कृति पर्यटन तथा नागरिक उड्डयन मन्त्री रविन्द्र अधिकारी र कम्बोडियाका पर्यटन मिनिस्टर इन्चार्ज माओ हानाभालले हवाई सम्झौतामा हस्ताक्षर गरे।
सम्झौता अनुसार सुरुवाती चरणमा नेपाल र कम्बोडियाका बायुसेवा कम्पनीले हप्तामा १४-१४ पटक सिधा हवाई उडान भर्न सक्नेछन। यो सम्झौताले नेपाल एयरलाइन्सलाई पनि कम्बोडियामा गन्तब्य विस्तार गर्ने बाटो खुलेको छ। त्यस्तै कम्बोडियामा अहिलेसम्म नेपालबाट सीधा हवाई उडान सेवा सुरु भएको छैन ।
यो सम्झौताले कार्गो उडानलाई पनि खुला राखेको पर्यटन मन्त्रालयका सहसचिव सुरेश आचार्यले जानकारी दिए। लुम्बिनी अन्तर्राष्ट्रिय एयरपोर्ट बनेपछि कम्बोडियाबाट लुम्बिनी आउने बाैद्ध धर्मालम्बी र पर्यटकलाई यसले सोझो फाइदा पुग्ने उनले बताए। आसियान देशहरुमा अब नेपालले इन्डोनेसियासँग मात्रै सीधा हवाई उडान सम्झौता गर्न बाँकी छ ।
