नेपाल पर्यटन बोर्डमा रिक्त रहेका तीन जना सञ्चालक समिति चयन गर्न संस्कृति, पर्यटन तथा नागरिक उडड्यन मन्त्रालयले समिति गठन गरेको छ । बोर्डको नयाँ सदस्य चयनका लागि मन्त्रालयका सहसचिव एवं प्रवक्ता तारानाथ अधिकारीको संयोजकत्वमा तीन सदस्यीय समिति गठन गरिएको मन्त्रालयको जनाएको छ ।
बोर्ड सञ्चालक समितिका सदस्य दिपक महत, कृणवहादुर महरा र अवदेशकुमार यादवको कार्यकाल सकिएपछि ३ सदस्य पद खाली छन् । मन्त्रालयले गठन गरेको समितिमा यसअघि बोर्ड सञ्चालन समितिका सदस्य रहेका राजेन्द्र सापकोटा र पूर्ण कुँबर रहेका छन् ।
समितिले प्रतिस्पर्धाका आधारमा सदस्य चयन गरेर पर्यटन मन्त्री भानुभक्त ढकाल समक्ष सिफारिस गर्नेछन् । समितिको सिफारिसका आधारमा मन्त्रीले बोर्ड सदस्य चयन गर्नेछन् । पर्यटन व्यवसायी तथा पर्यटन क्षेत्रमा विशेष रुची भएकाहरुले बोर्ड सदस्यका लागि आबेदन दिन सक्नेछन् ।
