सगरमाथा आरोहण गर्न बहराइनका राजकुमारसहितको टोली काठमाडौँ आइपुगेको छ । राजकुमार शेख मोहम्मद हमाद मोहम्मद अल खालिफासहितको १६ जनाको टोली विशेष विमानमार्फत काठमाडौँ ओर्लिएको हो ।
टोलीमा बहराइन रोयल गार्ड डिफेन्स फोर्सका १३ जना र ३ जना बेलायती नागरिक छन् । बहराइनस्थित नेपाली दूतावासले सोमवार बिहान टोलीलाई भेटेर आरोहण सफलताको शुभकामना दिएर बिदाई गरेको थियो ।
यो टोलीले गत अक्टोबरमा लोबुचे पिक र मनास्लु हिमाल आरोहण गरिसकेको छ । सगरमाथा आरोहणका लागि आएको टोली ८० दिन नेपाल बस्नेछ ।
आरोहण टोलीले गोरखाको चुमनुब्री गाउँपालिका १ सामागाउँका बासिन्दाका लागि दुई हजार डोज कोरोना खोप सहयोग गर्ने भएको छ ।