मौसममा ५ दिनपछि सुधार आएसँगै रामेछाप–लुक्ला उडान सुचारु भएको छ । मौसममा सुधार आएसँगै जहाज र हेलिकोप्टर धमाधम उड्न थालेका छन् ।
लुक्लास्थित तेन्जिङ हिलारी विमानस्थलका प्रमुख द्वारिका अछामीका अनुसार शनिबारदेखि बन्द रहेको उडान बिहिबारबाट सुरु भएको हो । रामेछापमा रोकिएका विदेशी पर्यटकलाई अहिले धमाधम लुक्ला लैजाने काम भइरहेको छ ।
आज समिट र तारा एयरले मात्रै उडान गरेका छन् । सीता एयरको जहाजमा भने प्राविधिक समस्या देखिएपछि रामेछापमै मर्मतसम्भारका लागि राखिएको छ ।