१४ औँ चितवन महोत्सव पौष २५ गतेबाट हुने भएको छ । पौष २५ गतेबाट नारायणी नदी किनारको प्रदर्शनी मैदानमा चितवन महोत्सव सुरु हुने आयोजकले जनाएको छ ।
महोत्सव आयोजन मूल समितिले उद्योग वाणिज्य संघको सभाहलमा पत्रकार सम्मेलन गर्दै माघ ४ गतेसम्म महोत्सव आयोजना हुने जानकारी गराएको हो । महोत्सवमा ४५० वटा स्टलहरू रहने छन् ।
महोत्सवका क्रममा पौष २८ देखि माघ २ गतेसम्म क्याम्पाचौरमा फुड फेष्टिबल सञ्चालन गरिने छ ।
महोत्सवमा ५ लाख दर्शकले अवलोकन गर्ने र २५ करोड भन्दा माथिको कारोबार हुने अपेक्षा गरिएको छ ।