चीनले नेपालबाट कैलाश मानसरोवर जाने पर्यटकको भिसा शुल्क एकैपटक तेब्बरले बढाएको छ । मानसरोवर जाने तिर्थयात्रीले १३ हजार ६६० रुपैयाँ भिसा शुल्क बुझाउनुपर्नेछ ।
समूहमा कैलाश यात्रा गर्ने विदेशीहरूको बायोमेट्रिक पनि अनिवार्य गरिएको छ । काठमाडौंस्थित चिनियाँ भिसा सेन्टरले बायोमेट्रिक लिएर मात्रै भिसा प्रक्रिया अघि बढाउन सुरु गरेको छ । भिसा प्राप्त गर्ने अवधि पनि ५ दिन पुर्याएको छ ।
कैलाश यात्रीहरूका सहयोगी भएर जाने नेपालीहरूको भिसा शुल्क पनि प्रतिव्यक्ति १३ हजार ६६० रुपैयाँ पुगेको छ । कोभिड अगाडि ४ हजार १ सय रुपैयाँ थियो ।
कैलाश मानसरोवरका लागि हरेक वर्षको मेदेखि सेप्टेम्बरसम्म मुख्य सिजन मानिन्छ ।
चीनले भारतीय नागरिकका लागि मानसरोवर यात्रामा प्रतिबन्ध लगाएको छ ।
