सन् २०२३ को अप्रिलमा करिब एक लाख जना विदेशी पर्यटक नेपाल भित्रिएका छन् । पर्यटन बोर्डको तथ्यांकअनुसार अप्रिलमा ९८ हजार ७०३ जना पर्यटक नेपाल आएका हुन् ।
मार्च महिनामा ९९ हजार ४२६ जना पर्यटक आएका थिए ।
गत वर्ष सन् २०२२ को अप्रिलमा ६१ हजार ५८९ र २०२१ को अप्रिलमा २२ हजार ७३२ जना पर्यटक नेपाल आएका थिए ।
२०२३ को ४ महिनामा नेपाल घुम्न आउने पर्यटकको संख्या ३ लाख २६ हजार ५२८ पुगेको छ।
अप्रिलमा सबैभन्दा धेरै ३१ हजार ४३७ जना भारतीय पर्यटक नेपाल भित्रिएका छन्। अमेरिकाबाट ८ हजार ४१३ जना, बेलायतबाट ५ हजार ४०९ जना, चीनबाट ४ हजार ७७० जना र अष्ट्रेलियाबाट ३ हजार ८२८ जना पर्यटक नेपाल आएका छन् ।
जर्मनीबाट ३ हजार २४६ जना, फ्रान्सबाट ३ हजार २११ जना, रसियाबाट २ हजार ६६७ जना, बंगलादेशबाट २ हजार २१७ जना र थाइल्याण्डबाट २ हजार १०२ जना पर्यटक नेपाल घुम्न आएका छन् ।
