अमेरिका समाचार संस्था ‘सिएनएन’ले सार्वजनिक गरेको विश्वका घुम्नैपर्ने गन्तव्यको सूचीमा नेपालको मुस्ताङ पनि परेको छ । सन् २०२३ का लागि घुमफिरमा निस्कने पर्यटकले घुम्नै पर्ने उत्कृष्ट गन्तव्यमा नेपालको मुस्ताङ पनि परेको हो ।
सिएनएनले मुस्ताङलाई दक्षिण एसियाका गन्तव्यमध्ये घुम्नै पर्ने एक मात्र ठाउँ भनेको छ । सिएनएनले हिमाली पदयात्राका लागि मुस्ताङ उत्कृष्ट र प्रसिद्ध गन्तव्य भएको पनि उल्लेख गरेको छ ।
मुस्ताङ उपत्यका पुग्न हवाई मार्ग र स्थल मार्ग प्रयोग गर्नुपर्छ । काठमाडौँबाट हवाई उडानमार्फत पोखरा र पोखराबाट जोमसोम सम्म उडान हुन्छ ।
काठमाडौँबाट सिँधै गाडी लिएर १२ घण्टा हिडेपछि मुस्ताङ पुग्न सकिन्छ ।
