होटल संघ नेपाल (हान) का पूर्वअध्यक्ष गौतमदास श्रेष्ठको निधन भएको छ । ललितपुरको मेडिसिटी अस्पतालमा उपचारका क्रममा ८३ वर्षीया उनको निधन भएको हो ।
हानले उनको निधनले समग्र पर्यटन उद्यमेगमा अपुरणीय क्षति पुगेको भन्दै दुःख व्यक्त गरेको छ ।
१९९५ सालमा काठमाडौंको तुम्बहालमा पिता दुर्गादास श्रेष्ठ र माता हरिदेवी श्रेष्ठको सन्तानका रुपमा जन्मिएका स्वर्गीय श्रेष्ठले काठमाडौंको दरबारमार्गस्थित शेर्पा होटल र चितवनमा सफारी नारायणी होटल सञ्चालन गरेका थिए ।
उनी सन् १९९३ देखि सन् १९९८ सम्म हानको नेतृत्वमा थिए ।
उनका श्रीमती, दुई छोरा र दुई छोरी छन् ।