अन्तर्राष्ट्रिय चेन होटल अलफ्ट काठमाडौंले क्रिसमसको अवसरमा बर्ष भरिमा सहयोग गर्ने पाहुनाहरुको सम्मानमा ‘कस्टमर अप्रिसिएसन अवार्ड’ आयोजना गरेको छ ।
कार्यक्रममा ज्याज म्युजिक, अवार्ड र ककटेल डिनर रहेको थियो । कार्यक्रममा करिब तीन सय सँस्था तथा ब्यक्तीहरुलाई निम्तो गरिएको होटलका महाप्रबन्धक विक्रम सिंहले बताए ।
अलफ्टको विश्वभर छब्बीस वटा देशमा एक सय चालिस भन्दा बढि होटलहरू सञ्चालमा रहेको छ । नयाँ प्रविधि, संगित र नयाँ डिजाइन सहितको होटल अलफ्ट होटल क्षेत्रको एउटा नयाँ पुस्ता हो । जसले पाहुनाहरूको अनुभवलाई आनन्दित बनाउने काम गरिरहेको छ ।
अलफ्ट काठमाडौं, शान्ती हस्पिट्यालिटी म्यानेजमेन्ट सर्भिसेसद्धारा सञ्चालित छ । अलफ्ट होटलहरू मेरियट इन्टर्नेशनलकै एउटा छुट्टै ब्रान्ड हो । हस्पिट्यालिटिको क्षेत्रमा एउटा छुट्टै साम्राज्य खडा गरेको मेरियट इन्टरनेशनलको विश्वभर ३० भन्दा बढी ब्रान्डहरू र ७ हजार भन्दा बढी होटलहरू छन् ।
