संविधान सभाका अध्यक्ष सुवासचन्द्र नेम्वाङले संविधानअनुसार प्रतिनिधि सभा विघटन गर्न नमिल्ने भन्दै यसअघि गरेको टिप्पणी सर्वोच्च अदालतमा पुगेको छ । अधिवक्ता दिनमणि पोखरेलले सुवास नेम्वाङले संसद सचिवालयकको स्मारिकामा दिएको अन्तर्वार्ता संवैधानिक इजलासमा पढेर सुनाएका हुन् ।
स्मारिकाको अन्तर्वार्तामा हाल नेकपा संसदीय दलका उपनेता समेत रहेका नेम्वाङले अहिले प्रधानमन्त्रीले संसद विघटन गर्न नसक्ने उल्लेख गरेका छन् ।
‘यो कुरा सुवास नेम्वाङले भनेका होइनन्, संविधान सभाको चेयर पर्सनले भनेका हुन्’ अधिवक्ता पोखरेलले भने ।
नेम्वाङले २०७६ साल साउन ४ गते धुलिखेलमा आयोजित कार्यक्रममा समेत पत्रकारहरुसँग प्रधानमन्त्रीलाई संसद विघटन गर्ने अधिकार नभएको बताएका थिए ।
