बाईडेनले सम्हाल्ने कार्याभार, पहिलो दिन नै उल्ट्याईदिए ट्रम्पका दर्जन निर्णय

बिजपाटी सम्बाददाता

बिजपाटी सम्बाददाता

Jan 21, 2021 | 09:25:58 AM मा प्रकाशित

sarbottam cement

अमेरिकी राष्ट्रपति जो बाइडनले बुधबार पद तथा गोपनियताको सपथ लिदै आफ्नो कार्यकाल सुरवात गरेका छन् । कार्यकालको पहिलो दिन नै उनले विभिन्न कार्यकारी आदेश जारी गर्दै आफ्नो प्रशासनको प्राथमिकता प्रष्ट पारेका छन्।

कार्यभार सम्हालेको केही घण्टाभित्रै उनले जारी गरेका कतिपय कार्यकारी आदेशले ट्रम्प प्रशासनको नीति उल्ट्याइदिएको छ। अहिले सामना गरिरहेको सङ्कटसँग जुझ्ने क्रममा खेर फाल्ने समय नरहेको भन्दै उनले ट्रम्प प्रशासनको नीति उल्ट्याइदिएका हुन्। ।

उनले कोरोनाभाइरस महामारीको सङ्कट सम्बोधनमा सङ्घीय कारबाही तेज गर्ने कार्यकारी आदेशहरू जारी गरेका छन्। उनले जारी गरेका अन्य आदेशहरूले चाहिँ विगतमा ट्रम्प प्रशासनले जलवायु परिवर्तन, आप्रवासन तथा जातिय सम्बन्धबारे अख्तियार गरेका नीति उल्ट्याइदिनेछ।

कार्यकारी आदेश जारी गरिएको वक्तव्यमा भनिएको छ 'ती आदेशहरूमार्फत् राष्ट्रपति बाइडनले ट्रम्प प्रशासनले पुर्‍याएको क्षति उल्ट्याउने मात्र नभइ देशलाई अघि बढाउने छन्'। 

उनका मुख्य आदेश कस्ता छन् ?

कोरोनाभाइरस महामारी

चार लाख अमेरिकीहरूको ज्यान लिइसकेको कोरोनाभाइरस महामारीसँग जुझ्ने विभिन्न उपायहरू ती आदेशमा रहेका छन्। तिनका मुख्य बुँदा यसप्रकार छन्:

विश्व स्वास्थ्य सङ्गठन डब्लुएचओबाट फिर्ता हुने अमेरिकी कार्यको अन्त्य गरिने। भाइरस विज्ञ डा एन्थोनी फाउचीले यसै साता हुने डब्लुएचओको अन्तर्राष्ट्रिय कार्यकारी समितिको बैठकमा अमेरिकाको प्रतिनिधित्व गर्दै भाग लिने। 

कोभिडको राष्ट्रिय सम्बोधन गर्ने कार्य केन्द्रीकृत गर्दै सुरक्षा सामग्री, खोप तथा परीक्षण सामग्रीको वितरणमा समन्वय बढाउने सबै सङ्घीय परिसरमा मास्क तथा दूरीको नियम पालना गरिने। 

आगामी १०० दिनसम्म मास्क लगाइरहन मानिसहरूलाई आग्रह गर्नेगरि १०० दिने मास्क चुनौती अभियान थालनी गरिने।  

जलवायु सङ्कट

वातावरणसम्बन्धी कतिपय ट्रम्प प्रशासनका नीतिहरू बाइडनले उल्ट्याउन चाहेका छन्। त्यसको निम्ति उनको आदेशमा भनिएको छ 'सन् २०१५ मा हस्ताक्षर गरिएको प्यारिस जलवायु सम्झौतामा अमेरिका पुन: सामेल हुने। '

विवादास्पद किस्टोन एक्सएल पाइपलाइन निर्माण रद्द।  

आप्रवासन

आप्रवासनको विषयमा उनको आदेशमार्फत बाइडनले दुई प्रमुख निर्णय गरेका छन् ।  ट्रम्पले लागु गरेको तथाकथित मुस्लिम प्रतिबन्ध अन्तर्गत केही मुस्लिम बहुल देशबाट यात्रामा लगाइएको प्रतिबन्ध फुकुवा गरेका छन् भने मेक्सिकोसँगको सिमानामा पर्खाल निर्माणकार्य बन्द गरेका छन् । 

Share Your Thoughts

Recent News

Main News

Close in 7


Bizpati.com © 2020. All Rights Reserved