प्रधानमन्त्री केपी शर्मा ओलीविरुद्ध सर्वोच्च अदालतमा मानहानीको मुद्दा दर्ता भएको छ । आज मंगलबार अधिवक्ताद्वय कञ्चन कृष्ण न्यौपाने र डा. कुमार शर्मा आचार्यले छुट्टाछुट्टै मुद्दा दायर गरेका हुन् ।
निवेदनमा प्रधानमन्त्रीले अदालत तथा वरिष्ठ अधिवक्ताको मानमर्दन गरेको, प्रतिनिधिसभा विघटनविरुद्ध संवैधानिक इजलासमा मुद्दा विचाराधीन रहेको अवस्थामा सार्वजनिक रुपमा अभिव्यक्ति दिएको उल्लेख छ । प्रधानमन्त्रीको अभिव्यक्तिबाट न्याय प्रक्रियाको गरिमामा आँच पुग्ने भएकोले उनलाई हदैसम्मको कारवाही गर्न माग गरिएको छ ।
