सरकारले नेत्र बिक्रम चन्द (विप्लव) समूहमाथिको प्रतिबन्ध फुकुवा गर्ने निर्णय गरेको छ । बिहिबार बसेको मन्त्रिपरिषद्को बैठकले विप्लव समूहमाथिको प्रतिबन्ध फुकुवा गर्ने निर्णय गरेको हो ।
बैठकले आज भएको वार्तामा भएको सहमति अनुसार प्रतिबन्ध फुकुवा गर्ने निर्णय गरेको हो । बैठकले सरकारी वार्ता टोली र विप्लव समूहको वार्ता टोलीबीच भएको ३ बुँदे सहमतिलाई पनि अनुमोदन गरेको छ ।
यस संगै शुक्रबार राष्ट्रिय सभा गृहमा विशेष कार्यक्रम आयोजना गरिएको छ । कार्यक्रमलाई प्रधानमन्त्री केपी शर्मा ओली र विप्लवले सम्बोधन गर्ने कार्यक्रम तय भएको छ ।