छिमेकि मुलुक भारतमा फेरी नयाँ भेरियन्टको कोरोना भाइरस फेला परेको छ । भारतीय अनलाइन 'द हिन्दू'का अनुसार भारतको भिसाकापटनममा यो भाइरस फेला परेको हो ।
भिसाकापटनमको 'सेन्टर फर सेलुलर एण्ड मोलीक्युलर बायोलोजी'ले नयाँ भेरियन्ट पत्ता लगाएको हो । यसलाई एपी भेरीयन्ट भनिएको छ । द हिन्दूका अनुसार यो भेरियन्ट अहिले देखिएको भाइरस भन्दा १५ गुणा शक्तिशाली छ । अहिले देखिएको भारतीय भेरीयन्टभन्दा पनि यो खतरनाक हुन सक्ने द हिन्दूले उल्लेख गरेको छ ।
यो भेरियन्ट भिसाकापटनममा फैलिसकेको समाचारमा उल्लेख छ । समाचार अनुसार नयाँ फेला परेको भाइरसले ३ देखि ४ दिन मै व्यक्तिलाई गम्भीर अवस्थामा पुर्याउन सक्छ ।
आज मात्रै भारतमा ३ लाख ५७ हजारलाई कोरोना संक्रमण देखिएको छ भने ३ हजार ४ सय ४९ जनाको मृत्यु भएको छ । भारतमा हालसम्म २ लाख २२ हजार ४ सय ८ जनाको मृत्यु भईसकेको छ भने सक्रिय संक्रमितको संख्या ३४ लाख ४७ हजार १ सय ३३ रहेका छन् ।