चीनले अनुदानमा दिएको २० हजार थान अक्सिजन सिलिण्डर लिन नेपाल एयरलाइन्सको जहाज पठाउने तयारी थालिएको छ । २० हजार सिलिण्डरमध्ये पहिलो चरणमा २ हजार सिलिण्डर ल्याईने र त्यसका लागि नेपाल एयरलाइन्सको वाइडबडी जहाज पठाउनेबारे छलफल सुरु भएको हो ।
अर्थ मन्त्रालयले नेपाल एयरलाइन्ससँग कोटेशन माग गरेको थियो । अर्थले मागे अनुसार एयरलाइन्सले कोटेशन पनि बुझाईसकेको छ । भाडामा सहमति हुनासाथ नेपाल एयरलाइन्सको जहाज बेइजिङ गएर सिलिण्डर ल्याउनेछ ।
प्रधानमन्त्री कार्यालयले बैशाख २९ गतेसम्म चीनबाट सिलिण्डर ल्याइसक्ने कार्ययोजना बनाएकाले बैशाख २८ मै निगमको जहाजलाई चीन पठाउने गरी छलफल चलिरहेको बताईएको छ ।
