शनिबार साँझसम्म २ हजार ७८१ वटा अक्सिजन सिलिण्डर संकलन भएको छ । नेपाल प्रहरीले विभिन्न स्थानबाट संकलन गरेको अक्सिजन सिलिण्डर कोभिड अस्पताल र सम्बन्धित अक्सिजन प्लान्ट उद्योगमा बुझाएको छ ।
संकलन गरिएका मध्ये ९ सय वटा सिलिण्डर अस्पताललाई र १ हजार ८८१ वटा सिलिण्डर अक्सिजन उद्योगमा बुझाईएको नेपाल प्रहरीका प्रवक्ता प्रहरी बरिष्ठ उपरीक्षक बसन्त बहादुर कुँवरले जानकारी दिए । उद्योग, कवाडी, ग्यास वेल्डिङ, पसल तथा गोदाममा रहेका अक्सिजन सिलिण्डर संकलन गरिएको उनको भनाई छ ।