गण्डकी प्रदेशका मुख्यमन्त्री पृथ्वीसुब्बा गुरुङ विश्वासको मत पाउँन असफल भएका छन् । आज प्रदेशसभामा विश्वासको लागि भएको मतदानमा विश्वासको मतको पक्षमा २७ मत र विश्वासको मतको विपक्षमा ३० मत आएको हो ।
विश्वासको मत नपाएसंगै मुख्यमन्त्री पृथ्वीसुब्बा गुरुङ स्वत: पदमुक्त भएका छन् । सरकारमा रही रहन ३१ मत चाहिनेमा उनले पर्याप्त मत नपाएका हुन् ।
गुरुङलाई विश्वासको मत दिन उनकै मन्त्रीपरिषदका सदस्य राजिव गुरुङ ‘दीपक मनाङे’ अनुपस्थित भए । गण्डकी प्रदेश सभामा ६० जना सांसद छन् । ति मध्ये ५८ जना उपस्थित भएका थिए भने ५७ जना मतदानमा सहभागी भएका थिए।
पृथ्वीसुब्बा गुरुङ विश्वासको मत नपाए प्रदेश सभा विघटन गर्ने संकेत गरिसकेका छन् ।