आज मात्रै सञ्चारमन्त्री बनेकी नैनकला थापाले सरकारको प्रवक्ताको जिम्मेवारी पाएकी छिन् । मन्त्रिपरिषद्ले पूर्णता पाएसँगै बसेको मन्त्रिपरिषद बैठकले सरकारको प्रवक्ताको जिम्मेवारी सञ्चार तथा सूचना प्रविधिमन्त्री थापालाई दिएको हो ।
सञ्चारमन्त्रीलाई सरकारको प्रवक्ता तोक्ने विगतको अभ्यास र परम्परा अनुसार थापालाई उक्त जिम्मेवारी दिईएको एक मन्त्रीले जानकारी दिए । अब हरेक मन्त्रिपरिषद बैठकका निर्णय सञ्चारमन्त्री एवम् सरकारको प्रवक्ताको हैसियतमा थापाले सुनाउने छिन् ।
पूर्व गृहमन्त्री रामबहादुर थापा बादलकी श्रीमतिसमेत रहेकी नैनकलालाई प्रधानमन्त्री केपी शर्मा ओलीले आज सञ्चार मन्त्रीमा नियुक्त गरेका थिए ।