नेपाली काँग्रेसका बाग्मती प्रदेशसभा सदस्य नरोत्तम वैद्यले प्रदेशसभाको बैठकमा दिएको अभिव्यक्तिप्रति नेकपा एमालेले भर्त्सना गरेको छ । महात्मा गान्धीको हत्या गर्ने नथुराम गोड्से बनेर प्रधानमन्त्री ओलीको हत्या गर्न आफू तयार रहेको भन्दै दिएको अभिव्यक्तिमा फौजदारी कानूनसमेत आकर्षित हुने एमालले जनाएको छ ।
प्रवक्ता प्रदीप ज्ञवालीले विज्ञप्ति जारी गर्दै प्रधानमन्त्री ओलीको हत्या गर्न दिएको धम्कीलाई एमालेले गम्भिररुपमा लिएको उल्लेख गरेका छन् ।
‘प्रधानमन्त्रीको हत्याका लागि अरुलाई समेत दुरुत्साहन गर्ने र आवश्यक परे आफै पनि हत्याका लागि तयार रहेको निजको अभिव्यक्ति आपराधिक, अत्यन्त आपत्तिजनक र निन्दनीय छ । उक्त अभिव्यक्तिको घोर भत्र्सना गर्दै हाम्रो पार्टी यो विषय मुलुकको फौजदारी कानुन समेत आकर्षित हुने विषय हो भन्ने ठान्दछ’ विज्ञप्तिमा भनिएको छ ।
बागमती प्रदेशसभाको हिजोको बैठकमा नेपाली कांग्रेसका प्रदेश सभा सदस्य नरोत्तम वैद्यले ‘ओली यसरी आइरहेको छ कि आफ्नो सत्ता बचाउनका लागि, जे कुरामा पनि सम्झौता गरिराखेको छ । यो समयमा खड्ग ओलीलाई यसरी नै छोड्ने हो भने यो नेपाल खाइदिन्छ है । त्यसैले मेरो आग्रह, कोही नाथुराम गोड्से आवश्यक पर्यो है अब यो देश बचाउनका लागि’ भन्दै बोलेका थिए ।
उनले ‘कोही नाथुराम गोड्से बन्न तयार छैन भने म बन्ने कि रु म बन्ने कि ?’ पनि भनेका थिए ।
