अर्थ मन्त्रालयको सचिवका रुपमा झण्डै २ वर्ष जिम्मेवारी सम्हालेका शिशिरकुमार ढुंगाना प्रधानमन्त्री कार्यालयमा सरुवा भएका छन् । उनको आज अर्थ मन्त्रालयमा एक कार्यक्रमको आयोजना गरी बिदाई गरिएको छ ।
मन्त्रिपरिषदले महालेखा नियन्त्रक मधुकुमार मरासिनीलाई अर्थ सचिवको जिम्मेवारी तोकिएपछि शिशिर कुमार ढुंगाना प्रधानमन्त्री तथा मन्त्रिपरिषदको कार्यालयमा तानिएका हुन् ।
ढुंगाना भन्सार विभागको महानिर्देशक हुँदै राजस्व सचिव बनेका थिए । पूर्वअर्थमन्त्री डा. युवराज खतिवडाको पालामा राजस्व सचिव रहेका उनी खतिवडाकै पालाका डा. राजन खनाल अनिवार्य अवकाश पाउँदै बिदा भएपछि पुनः अर्थसचिवका रुपमा अर्थमन्त्रालयमा पुगेका थिए ।
डा. खतिवडा र विष्णु पौडेलको कार्यकालमा उनले अर्थसचिवको रूपमा २ वटा र राजस्व सचिवको रूपमा एउटा गरी ३ वटा बजेट निर्माणमा नेतृत्व गरेका थिए ।