नेकपा एमालेको १० औँ महाधिवेशनको बन्दसत्र चितवनको सौराहामा जारी छ । दोस्रो दिनको बन्दसत्र आज साँझ अबेर मात्रै सुरु हुने भएको छ ।
होटल सेभेन स्टारमा दिनभरि बसेका महाधिवेशन प्रतिनिधिहरू अहिले खाना खान निस्किएका छन् । नेताहरूलाई ७ बजेसम्म खाना खाएर आइसक्न भनिएको छ ।
बिहान १० बजेदेखि नै बन्दसत्र सुरू हुने भनिएपनि अहिलेसम्म सुरु हुन सकेको छैन । अध्यक्ष केपी शर्मा ओली पदाधिकारी र केन्द्रीय सदस्यको नाम टुंगो लगाउन छलफलमा लागि परेका छन् ।
शनिबारको पहिलो दिनको बन्दसत्रले पदाधिकारी र केन्द्रीय कमिटी सदस्य छान्ने अधिकार अध्यक्ष ओलीलाई दिएको थियो।
