नेपाली काँग्रेसले गठबन्धनको निर्णय नमान्नेलाई अनुशासनको कारबाही गर्ने भएको छ । आज बसेको केन्द्रीय निर्वाचन परिचालन समितिको बैठकले पार्टीले गरेको निर्णय नमान्ने र पार्टी निर्णय विरुद्ध लाग्नेलाई अनुशासनको कारबाही गर्ने निर्णय गरेको हो ।
काँग्रेस उपसभापति एवं निर्वाचन परिचालन समितिका संयोजक पूर्णबहादुर खड्काको संयोजकत्वमा बसेको बैठकले पार्टी निर्णयको पालना नहुनुलाई विधान र अनुशासन उल्लघंनको रुपमा लिने बताएको छ ।
‘पार्टी निर्णयको उल्लघंन गर्नु पार्टीको अनुशासनसँग जोडिने विषय हो’ नेता नैनसिंह महरले भने, ‘पार्टीको निर्णय सबैले मान्नुपर्छ भन्ने छलफल भएको छ ।’
