प्रधानमन्त्री शेरबहादुर देउवाको सरकारी निवास बालुवाटारमा स्थानीय तहको उम्मेदवारीका विषयमा सोमवार बिहानैदेखि छलफल चलिरहेको छ । उच्चस्तरीय संयन्त्रका संयोजक रामचन्द्र पौडेलको संयोजकत्वमा बसेको बैठकले महानगर र उपमहानगरको उम्मेदवारी टुंगो लगाउने बताइएको छ ।
बैठकमा उच्चस्तरीय
समितिका
१० सदस्यसहित गठबन्धनका शीर्ष नेताहरू उपस्थित रहेका छन् । कांग्रेका सभापति तथा
प्रधानमन्त्री देउवा, माओवादी
केन्द्रका
अध्यक्ष
पुष्पकमल दाहाल 'प्रचण्ड' र वरिष्ठ नेता नारायणकाजी श्रेष्ठ, नेकपा एकीकृत
समाजवादीका
अध्यक्ष
माधवुकमार नेपाल र महासचिव वेदुराम भुसाल,
जनता समाजवादी पार्टीबाट उपेन्द्र यादवलगायत शीर्ष नेताहरू
सहभागी
छन् ।
६ महानगर र १३ उपमहानगरमा गठबन्धनका पाँचै दलहरूले आ-आफ्नो दाबी गरिरहेका छन् । नेपाली कांग्रेसकै कतिपय नेताहरू स्थानीय तहको चुनावमा तालमेल गर्न नहुने बताइरहेको अवस्थामा उम्मेदवारी टुंगो लगाउने विषय पेचिलो बनेको छ ।
