भारतमा पाम तेल सस्तो भएपछि नेपालमा तस्करी बढेको छ । ठूलो मात्रामा भन्सार छलेर ल्याईएको तेल प्रहरीले बरामद गरेपछि तस्करी बढेको भेटिएको हो ।
जिल्ला प्रहरी कार्यालय बाराले भन्सार छलेर तस्करीमार्फत भित्रिएको १२ सय लिटर पाम तेल बरामद गरेको छ । तेल ल्याउन प्रयोग गरिएको २ वटा पिकअपसहित ४ जनालाई प्रहरीले नियन्त्रणमा लिएको छ ।
पक्राउ पर्नेमा कलैया उपमहानगरपालिका वडा नं १५ का २६ वर्षीय मैरुद्दीन अन्सारी, उनका २० वर्षीया भाइ, कलैया उपमहानगरपालिका १७ सुराहीका २१ वर्षीया मुन्ना अन्सारी र बारा परवानीपुर १ का २२ वर्षीया संजय महतो रहेका छन् ।
प्रहरीले तेलसहित ना २ च ५२३२ र ना ५ च ६१६ नम्बरको पिकअप भ्यान नियन्त्रणमा लिएको छ।
करिब ३ लाखको पाम तेल बरामद गरिएको प्रहरीले जनाएको छ ।