अख्तियार दुरुपयोग अनुसन्धान आयोगले गत वर्ष ९ वटा सिमेन्ट तथा चुनढुंगा खानीका उद्योगी र खानी तथा भूगर्भ विभागका कर्मचारीविरुद्द विशेष अदालतमा दायर गरेको भ्रष्टाचार मुद्दामा आदालतले तत्कालिन मन्त्री र सचिवसँग बयानमा लिएको छ ।
९ उद्योगबाट १ अर्ब २४ करोड बिगो माग दाबी गरिएको उक्त मुद्दाको पेशी पटक पटक चढेपनि अन्तिम सुनुवाई हुन सकेको छैन ।
विशेष अदालतले माघ १६ र १७ गते २ दिन लगाएर तत्कालिन उद्योग, वाणिज्य तथा आपूर्ति मन्त्री लेखराज भट्ट (हाल एमालेको सचिव) र तत्कालिन उद्योग सचिव यमकुमारी खतिवडा (हाल अवकाश प्राप्त) सँग बयान लिएको हो ।
तत्कालिन सहसचिव शोभाकान्त पौडेल र खानी विभागका पूर्व महानिर्देशक सोमनाथ सापकोटाको पनि विशेष अदालतले बकपत्र गराएको छ । खानी विभागका जियोलोजिस्ट प्रमोद सिंखडासँग पनि अदालतले बयान लिएको छ ।
विभागका तत्कालिन महानिर्देशक रामप्रसाद घिमिरे, उपमहानिर्देशक तथा प्रवक्ता जयराज घिमिरे, लेखा अधिकृत श्रीभद्र गौतम लगायतका कर्मचारीहरु र पशुपति मुरारका सहितका उद्योगीहरु मुद्दा खेपिरहेका छन् ।
विशेष अदालतमा मुद्दा दायर गर्नु अगाडी पनि अख्तियारले लेखराज भट्ट र यमकुमारी खतिवडासँग बयान लिएको थियो ।
अब माघ २९ गतेका लागि पेशी तोकिएको छ ।
यसअघिः
एमाले नेता लेखराज भट्ट र तत्कालिन सचिव यमकुमारी खतिवडालाई अदालतले बोलायो