नेपाल प्रहरीको साइबर ब्यूरोले भीपीएन र डिएनएस मार्फत टिकटक सञ्चालन नगर्न अनुरोध गरेको छ । उक्त माध्यमबाट बैंक लगायत अन्य डाटाहरु चोरी हुने गरेकाले ति माध्यम प्रयोग नगर्न ब्युरोले अनुरोध गरेको हो ।
नेपाल सरकार मन्त्रीपरिषद्को मिति २०८०/०७/२७ गतेको निर्णयबाट टिकटक नेपालमा बन्द गरेको भन्दै उक्त एप VPN र DNS प्रयोग गरि असुरक्षित र अवैधरुपमा नचलउन ब्यूरोले अनुरोध गरेको हो ।
''VPN DNS प्रयोगले गर्दा प्रयोगकर्ताको डिभाईसमा रहेका महत्वपूर्ण डाटा, व्यक्तिगत विवरण, बैङ्कीङ विवरणहरूको समेत पहुँच पुयाई चोरी भई आर्थिक दुरुपयोगका घटना साइबर सुरक्षाको दृष्टिकोणले समेत बढिरहेको पाइएको छ ।'' ब्यूरोले जारी गरेको विज्ञप्तिमा भनिएको छ, 'प्रविधिको दुरुपयोग गरी प्रयोग नगर्न नगराउनु हुन सबैमा नेपाल प्रहरी साइबर ब्यूरो अनुरोध गर्दछ ।''
