.gif)
वाणिज्य, आपूर्ति तथा उपभोक्ता संरक्षण विभागले सतुंगलबाट १६ हजार किलो चिनी बरामद गरेको छ । विभागका महानिर्देशक तीर्थराज चिलुवालका अनुसार अवैध रुपमा आयात भएको ३२० बोरा चिनी बरामद गरिएको हो ।
जिल्ला प्रशासन कार्यालय काठमाडौं र विभागको टोलीले अनुगमन गर्दा उक्त चिनी फेला परेको हो । अहिलेको बजार मूल्य अनुसार बरामद भएको चिनीको मूल्य १६ लाख रुपैयाँ भन्दा बढी हुन्छ । विभागका अनुसार अब यो चिनी भन्सार कार्यालयमार्फत लिलामी गरेर बजार पठाइनेछ ।
