सेयर बजार बढ्नेक्रमले सोमबार पनि पायो निरन्तरता, यस कारण बैंकिङ समूहमा आकर्षण

बिजपाटी संवाददाता

बिजपाटी संवाददाता

May 20, 2024 | 03:19:28 PM मा प्रकाशित

laxmi  sunrise bank

साताको दोस्रो कारोबार दिन सोमबार नेप्से परिसूचक बढेको छ । यो दिन नेप्से परिसूचक २७.५४अंकले बढेर २ हजार ९२ विन्दुमा बन्द भएको छ । त्यस्तै, यस दिन सेन्सेटिभ इण्डेक्स पनि ७.३१ अंकले बढेको छ ।

अघिल्लो कारोबार दिन आइतबार पनि नेप्से बढेको थियो ।अघिल्लो कारोबार दिन ५ अर्ब २५ करोडको शेयर खरिदबिक्री भएको थियो । पछिल्ला केही दिनयता उच्च दरले बढ्न नसकिरहेको नेप्से आइतबार यता उच्च दरमा नेप्से बढ्न थालेको छ। 

नेप्से परिसूचकसँगै कारोबार रकममा पनि सुधार भएको छ । गत शुक्रबार मात्रै नेपाल राष्ट्र बैंकले सार्वजनिक गरेको मौद्रिक नीतिको तेस्रो समीक्षा गरेपछि नेप्सेमा लगातार वृद्धि भइरहेको छ। नेप्सेमा  सूचीकृत कम्पनीहरुमध्ये ३१५ वटा कम्पनीको १४ करोड ३७ लाखभन्दा बढी कित्ता शेयर किनबेच हुँदा यो दिन ५ अर्ब ८५ करोड रुपैयाँभन्दा बढीको कारोबार भएको छ ।

यस दिन चार वटा अलग- अलग कम्पनीमा सकारात्मक सर्किट लागेको छ । यस दिन सामुदायिक लघुवित्त वित्तीय संस्था, बुद्धभुमि नेपाल हाइड्रोपावर कम्पनी, भगवती हाइड्रोपावर र नेरुडे मिर्मिरे लघुवित्तको शेयरमा सकारात्मक सर्किट लागेको  छ। ।

त्यस्तै यस दिन बाराही हाइड्रोपावर र एनआईसी एशिया बैंकको शेयरमूल्य ९ प्रतिशतभन्दा बढी बढेको छ। यसैगरी, उपकार लघुवित्त वित्तीय संस्थाको शेयरमूल्य यस दिन सर्वाधिक ७.४० प्रतिशतले घटेको छ।१३ वटा मध्ये आठ वटा उपसमूहका सूचकहरु बढेका छन् । यो दिन सबैभन्दा बढी बैंकिङ उपसमूह ४.१८ प्रतिशतले बढेको छ । 

त्यस्तै, यो दिन व्यापार उपसमूहको परिसूचक २ प्रतिशतभन्दा बढी बढेको छ भने जलविद्युत, लगानी र म्युचुअल फण्ड उपसमूहको परसूचक १ प्रतिशतभन्दा बढी बढेको छ।  यस दिन पाँच वटा उपसमूहको परिसूचक घटेको छ। यस दिन वित्त, जीवन बीमा, उत्पादन तथा प्रशोधन, लघुवित्त र निर्जीवन बीमा उपसमूहको परिसूचक घटेको छ ।

यो दिन कारोबार रकमा आधारमा पोखरा फाइनान्स अग्रस्थानमा रहेको छ । कम्पनीको १९ करोड ९२ लाख रुपैयाँभन्दा बढीको शेयर कारोबार भएको छ । त्यस्तै दोस्रो र तेस्रो स्थानमा क्रमशः सीईडीबी हाइड्रोपावर र फस्ट माइक्रोफाइनान्स रहेको छ । जसअनुसार सीईडीबी हाइड्रोपावरको १९ करोड ९२ लाख रुपैयाँभन्दा बढीको शेयर खरिदबिक्री भएको छ भने फस्र्ट माइक्रोफाइनान्सको १३ करोड ४८ लाख बराबरको शेयर खरिदबिक्री भएको छ।

यस कारण बैंकिंङ समुहमा लगानीकर्ताको आकर्षण 
नेपाल राष्ट्र बैंकले मौद्रिक नीतिको तेस्रो त्रैमासिक समिक्षा मार्फत बैंकहरुको आम्दानी बढ्ने केहि नीतिगत व्यवस्था गरेकाले त्यसको प्रभाव बैंकिंग समुहमा परेको विश्लेषण गरिएको छ।  मौद्रिक नीतिको समिक्षा मार्फत कर्जामा गर्नुपर्ने प्रोभिजन घटाईएको छ भने बैंकहरुले विक्री गर्न पाउने शेयरको अनुपात पनि एक प्रतिशतबाट २० प्रतिशत पुर्याइएको छ। प्रोभिजन घटाउने निर्णयले नाफा बढ्ने देखिन्छ भने विक्री गर्न पाइने शेयरको अनुपात बढाउने निर्णयले बैंकहरुलाई शेयर कारोबारको बाटो खोलेको छ। यो व्यवस्थाले पनि बैंकहरुलाई शेयर कारोबार गरेर नाफा आर्जन गर्ने बाटो खुलेको छ। 

त्यस्तै बैंकहरुलाई पूँजी कोष वृद्धिमा सहजीकरण गरिदिने राष्ट्र बैकको घोषणाले अब क्यापिटल एडुकेसीको कारण लगानी गर्न नसकेका बैंकहरु पनि लगानी गर्न सक्ने अवस्थामा पुग्नेछन। यसले पनि बैंकहरुको नाफामा नै सघाउने देखिन्छ।  

मौद्रिक नीतिको समिक्षा मार्फत बैंकहरुको आम्दानी बढ्ने टुल्स प्रयोग भएकाले अन्तिम त्रैमास सकिदै गर्दा बैंकहरुको नाफा पनि बढ्ने र राम्रै प्रतिफल पाइने आशामा लगानीकर्ताहरु बैंकहरुको शेयरमा आकर्षित भएको विश्लेषण गरिएको छ। 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved