.gif)
एयर डाइनेस्टीको हेलिकोप्टर नुवाकोटमा बुधवार अपरान्ह दुर्घटनामा परेको छ ।
दुर्घटनामा केहि यात्रुको हताहति भएको छ । जसको पुष्टि भने भएको छैन । बुधबार काठमाडौंबाट रसुवाका लागि उडेको एयर डाइनेस्टीको ९ एन एजेडी हेलिकोप्टर दुर्घटना भएको हो । जिल्ला प्रहरी कार्यालय नुवाकोटका डीएसपी तिलक भारतीले घटनास्थलमा प्रहरी पुगिसकेको जानकारी गराए ।
त्यहाँको शिवपुरी-७ सूर्यचौर डाँडामा हेलिकप्टर ठोक्किएको नुवाकोटका एसपी शान्तिराज कोइरालाले सञ्चारमाध्यमहरुलाई जानकारी दिएका छन् ।उनका अनुसार हेलिकोप्टर दुर्घटना स्थलमा आगलागी भइरहेको र उद्धार कार्य जारी छ ।
त्रिभुवन अन्तरराष्ट्रिय विमानस्थल स्रोतका अनुसार सो हेलिकोप्टरमा क्याप्टेन अरुण मल्ल थिए ।
हेलिकोप्टरमा को- को थिए ?
हेलिकोप्टर क्याप्टेन अरुण मल्लले उडाएका थिए । हेलिकप्टरमा पाइलटबाहेक अरु अन्य चार जना चिनियाँ पर्यटक सवार थिए । चिनियाँ पर्यटकमा जुदाड टाङ (पुरुष), जी लि (पुरुष), यियाद वु (महिला) र जेमिङ सी (पुरुष) छन् । हेलिकोप्टरमा सवार पाँचै जनाको मृत्यु भएको प्रहरीले बताएको छ।
*अद्यावधिक
