.gif)
नेपाल आयल निगमले पेट्रोलियम पदार्थको मूल्य घटाएको छ । निगमले सोमबार राती १२ बजेदेखि लागू हुने गरेर डिजेल र पेट्रोलको मूल्य घटाएको हो ।
निगमकाअनुसार पेट्रोलको मूल्य प्रतिलिटर ४ रुपैयाँ र डिजेलको मूल्य ५ रुपैयाँले घटेको छ । भारतबाट इन्डियन आयल कर्पोरेसन(आईओसी) ले मूल्य घटाएर पठाएका लागि निगमले घरेलु बजारमा पनि मूल्य घटाएको बताएको छ ।
मूल्य घटेपछि पेट्रोल प्रतिलिटर पहिलो वर्गमा १५६ रुपैयाँ कायम भएको छ । यस्तै दोस्रो वर्गमा १५८ र तेस्रो वर्गमा १५९ रुपैयाँ कायम भएको छ । यसअघि पहिलो वर्गमा १६०, दोस्रो वर्गमा १६२ र तेस्रो वर्गमा १६३ रुपैयाँ थियो ।
यस्तै डिजेलको मूल्य लिटरमा ५ रुपैयाँ घटेपछी १४६ रुपैयाँ कायम भएको छ । दोस्रो वर्गमा १४८ र तेस्रो वर्गमा १४९ रुपैयाँ कायम भएको छ ।
