साताको तेस्रो कारोबार दिन मंगलबार शेयर बजार झिनो अंकले बढेको छ । आज परिसुचक नेप्से ६.४५ अंकले बढेर दुई हजार ६८३.८६ विन्दुमा बन्द भएको हो ।
त्यस्तै, आज ७ अर्ब २० करोड १ लाख रुपैयाँ बराबरको १ करोड ३९ लाख कित्ता शेयर खरिद विक्री भएको छ । आज कारोबारमा आएका कम्पनीमध्ये १३४ कम्पनीको शेयरमूल्य बढ्दा ९८ कम्पनीको शेयरमूल्य घटेको छ । ११ कम्पनीको शेयर मूल्य स्थिर रहेको छ ।
आज सिक्लेस हाइड्रोपावर लिमिटेड र भगवती हाइड्रोपावर डेभलपमेन्ट कम्पनी लिमिटेडको शेयर मूल्यमा सकारात्मक सर्किट लागेको छ भने सर्वाधिक कारोबार सीइडीवी होल्डिंग्स लिमिटेडको भएको छ । कम्पनीको ३५ करोड ४७ लाख रुपैयाँ बराबरको शेयर खरिद विक्री भएको नेप्सेले जनाएको छ ।
.gif)
.gif)
