निक्षेप तथा कर्जा सुरक्षण कोषले बैंकमा राखेको रकम सुरक्षित हुन्छ भन्ने संदेश दिन ' काजिसाबको रुपैयाँ' नामक जनचेतनामुलक भिडियो तयार पारेको छ । कोषले बैंक तथा वित्तीय संस्थाप्रति विश्वास गर्नु पर्छ, बचत गरेर भविष्य सुरक्षित गर्नुपर्छ, पैसाको कारोबार बैंक मार्फत मात्र गर्नु पर्छ भन्ने संदेश दिन भिडियो तयार पारेको हो ।
भिडियोमा हरेक व्यक्तिले बैंकमा राखेको ५ लाखसम्मको निक्षेप पूर्ण सुरक्षित हुन्छ र बैंक डुबे पनि त्यो पैसा डुब्दैन भन्ने संदेश दिन खोजिएको छ । त्यस्तै यदि ५० लाख रकम बैंकमा राख्नु छ भने १० वटा बैंकमा ५ लाखको दरले निक्षेप राखेमा सबै निक्षेप पूर्ण सुरक्षित हुने संदेश दिईएको छ ।
नेपाल राष्ट्र बैंकबाट अनुमति प्राप्त भई सर्बसाधारणबाट निक्षेप संकलन गर्ने गरेका वाणिज्य बैंक, विकास बैंक, फाइनान्स कम्पनी र लघुवित्तहरुमा र्कहेको ५ लाखसम्मको रकम पूर्ण रुपमा सुरक्षित हुन्छ भन्ने संदेश भिडियोले दिएको छ । ति कम्पनी पूर्ण रुपमा डुबे पनि निक्षेप तथा कर्जा सुरक्षण कोषले ५ लाखसम्मको रकम फिर्ता गर्ने र कोषले नसकेमा नेपाल सरकारले त्यो रकम फिर्ता गर्ने संदेश भिडियोले दिएको छ। त्यस्तै पैसाको कारोबार गर्दा बैंकिङ प्रणाली मार्फत गर्नु पर्छ भन्ने संदेश पनि भिडियोले दिएको छ ।
हेर्नुस् भिडियो :
