सरकारले ‘नेपाल भ्रमण वर्ष–२०२०’ स्थगित गरेको छ । अप्रिलसम्मका लागि मात्रै स्थगित भएको भ्रमण वर्ष औपचारिक रुपमै स्थगित गरिएको हो ।
संस्कृति, पर्यटन तथा नागरिक उड्डयन मन्त्रालयका सचिव केदारबहादुर अधिकारीका अनुसार सरकारको चैत ९ गते नै भ्रमण वर्ष स्थगित गर्ने निर्णय गरेको थियो । भ्रमण वर्षको सचिवालयसमेत बैशाख १ गतेबाट विघटन हुनेछ ।
सरकारले २० लाख विदेशी पर्यटक भित्र्याउने लक्ष्यसहित सन् २०२० लाई नेपाल भ्रमण वर्ष मनाउने अभियान थालेको थियो । तर कोरोना भाइरस विश्वव्यापी महामारीका कारण भ्रमण वर्ष स्थगित भएको हो ।