सेयरबजार साप्ताहिक समिक्षा: कारोबार रकम अर्ब भन्दा कम, टेलिकमको मूल्य घट्ने क्रम जारी

यस साता सेयर कारोबार पुरै ५ दिन खुलेको छ। गत साताको तुलनामा बजार परिसूचक नेप्से सामान्य अंकले घटेको छ भने कारोबार रकम करिब ६७ प्रतिशतले घटेको छ। गत हप्ता ठुलो मात्रामा एभरेष्ट बैंकको संस्थापक सेयर कारोबार हुँदा कारोबार रकम ३ अर्ब नाघेको थियो भने यस साता कारोबार रकमले अर्ब पनि छुन सकेन।  

बजार समाचार 

दोस्रो त्रैमासिक वितिय विवरण प्रकाशन र साधारणसभा आव्हान हुने क्रम चलिरहेको छ | विमा समुहका कुनै पनि कम्पनीले सभा आव्हान गरेका छैनन्| 

कृषि र नविल बैंकले सभा आव्हान गरेका छन् | लामोसमयसम्म संचित घाटामा रहेको प्रभू बैंकले यसपटक लाभांश सहित घोषणा गरेको सभाको लागि बुक क्लोज भएको छ |  प्राइम, कुमारी, सिभिल, सेन्चुरी, नेपाल क्रेडिट एण्ड कमर्श बैंकले सभा गर्न बाँकी रहेको छ | क्षेत्रीयस्तरका तीन जिल्ले मितेरी, एक्सेल र सहयोगी विकास बैंकले सभा आव्हान गरेका छन् |

२६ प्रतिशत शेयर बजारमा आउने संचारमन्त्रीको उद्घोष पछि नेपाल टेलिकमको मूल्य घट्ने क्रम जारी छ | यस हप्ता पनि यसको मूल्य घटेर बन्द भएको छ | 

धितोपत्र वोर्डको अध्यक्षले संसदको अर्थ समितिमा धितोपत्र दलाल विरुद्ध लगाएको आक्षेपको विरुद्ध धितोपत्र दलालहरुले कडा प्रतिवाद गर्दै ज्ञापनपत्र बुझाएका छन् | वोर्ड अध्यक्ष रेवत कार्कीले वर्षौंदेखि दबाएर राखेका दलाल विद्रोहमा उत्रेका छन् | 

अन्य गतिविधि 

शाइन रेसुङ्गा डेभलपमेन्ट बैंक, चिलिमे जलविद्युत कम्पनी, एनआईसि बैंकको बोनस शेयर सूचीकरण भएको छ | त्यस्तै किसान माइक्रोफाइनान्स र सेन्चुरी बैंकको हकप्रद शेयर पनि सूचीकरण भएको छ | 

यस हप्ता र अगिल्लो हप्ताको बजार संक्षेप