बेलायतले ३०० जना मानिसमा कोरोना विरुद्धको खोप परीक्षण गर्ने तयारी गरेको छ । बेलायतको लन्डनस्थित इम्परियल कलजमा प्राध्यापक रविन शटोको नेतृत्वमा खोप परीक्षणको तयारी सुरु भएको हो ।
जनावरमाथि गरिएको खोप परीक्षण सफल भएको र यस खोपले मानिसको प्रतिरोधी क्षमता बलियो बनाउन सहयोग पुर्याउने बीबीसीले उल्लेख गरेको छ । हाल विश्वका १ सय २० ठाउँमा कोरोनाविरूद्धको खोप बनाउने प्रयास जारी रहेको छ। यसमध्ये १३ स्थानमा खोप चिकित्सकीय परीक्षणको तहसम्म पुगिसकेको छ।
चीनमा पाँच, अमेरिकाका ३ र बेलायतका दुई वटा खोप विकास कार्यक्रम चिकित्सकिय चरणमा पुगेका छन्। बीबीसीका अनुसार अस्ट्रेलिया, रूस र जर्मनीका १।१ खोप विकास कार्यक्रम यो तहमा पुगेको छ।
