यस वर्षको नोबेल शान्ति पुरस्कार संयुक्त राष्ट्रसङ्घको विश्व खाद्य कार्यक्रमलाई दिईने भएको छ । पुरस्कार वितरण गर्ने नर्वेजियन नोबेल कमिटीले सन् २०२० को विश्व शान्ति पुरस्कार विश्व खाद्य कार्यक्रमलाई दिने घोषणा गरेको हो ।
भोकमरी नियन्त्रण गर्न काम गरेको, द्वन्द्वग्रस्त क्षेत्रमा शान्ति स्थापनाका लागि पहल गरेको, र युद्द र द्वन्द्वको समयमा भोकमरीलाई हतियारको रुपमा प्रयोग गर्न रोकेको लगायतको प्रयासको लागि पुरस्कार प्रदान गरिएको कमिटीले जनाएको छ ।
नोबेल पुरस्कार विजेताले स्वर्ण पदक र एक करोड स्विडिस क्रोनर पाउनेछन् ।
