जो बाईडेन अमेरिकाको ४६ औ
राष्ट्रपतिमा निर्वाचित भएका छन् । नोभेम्बर ३ मा भएको निर्वाचनको
मतपरिणाम अनुसार डेमोक्रेटिक पार्टीका उम्मेदवार बाईडेनले राष्ट्रपति बन्नको लागि
आवश्यक पर्ने न्युनतम मत प्राप्त गरेको अमेरिकी संचारमाध्यम सिएनएन र द गार्जियनले उल्लेख गरेको छ । यद्यपि यसको औपचारिक घोषणा हुन बाँकि छ ।
सिएनएनका अनुसार राष्ट्रपति बन्नको लागि न्युनतम २७० इलेक्टोरलमा जित हात पार्नु पर्ने अवस्थामा बाईडेनले २७३ इलेक्टोरल कलेजमा जित हात पारिसकेका छन् । द गार्जियनले भने उनले २८४ इलेक्टोरलमा जित हात पारेको जनाएको छ । यद्यपि केहि राज्यमा मतगणना अझै जारी रहेको छ । अब नतिजा आउँन बाँकि रहेका राज्यमा बाईडेनले नजिते पनि उनी राष्ट्रपति बन्ने निश्चित भएको छ। पेंसेल्भिनिया राज्यमा बाईडेनले जितेसंगै उनको जित सुनिश्चित भएको हो ।
बाईडेनले हाल सम्म कै बढी
पपुलर भोट पनि जितेका छन् । यस संगै भारतीय मुलकी कमला ह्यारिस अमेरिकाको उपराष्ट्रपति
बन्ने छिन् ।
यद्यपि हालका राष्ट्रपति
तथा रिपब्लिकन पार्टीको तर्फबाट उम्मेदवार बनेका डोनाल्ड ट्रंपले भने बाईडेनले
धादली गरेको र यो निर्वाचन आफुले नै जितेको दाबी गर्दै मतपरिणामलाई अदालतमा चुनौती
दिने बताईसकेका छन् । यदि उनले मतपरिणाम बिरुद्द अदालतमा मुद्दा हालेको खण्डमा
अन्तिम मतपरिणाम आउन अझै केहि समय लाग्ने छ । मुद्दा तथा उजुरी परेको खण्डमा केहि
राज्यमा पुन: मतगणना हुने हुँदा फरक मतपरिणाम पनि आउँन सक्ने छ । यद्यपि ट्रंपको
दाबीमा केहि सत्यता नरहेको अमेरिकी संचारमाध्यमहरुले जनाएका छन् । साथै ट्रंपले गरेको
दाबी तथा उजुरी प्रमाण नभएको र आधारहीन भएको भन्दै केहि राज्यले उनको निवेदन यस
अघि नै खारेज गरिदिएका छन् । तर पनि मतपरिणामलाई अदालतमा चुनौती दिइएको खण्डमा
अमेरिकी राष्ट्रपति चुनावको औपचारिक रुपमै अन्तिम विजेता घोषणा गर्न अझै केही दिन, हप्ता वा महिना समेत
लाग्नसक्छ ।
हेर्नुस को हुन् बाईडेन ?
हालका राष्ट्रपति तथा
रिपब्लिकन पार्टीका उम्मेदवार डोनाल्ड ट्रंपसँग चुनाव लडेका बाइडेनलाई धेरैले
चिनेका छैनन् । तर उनी अमेरिकीको लागि नौलो नाम भने होइन । बाराक ओबामा राष्ट्रपति
हुँदा बाईडेन उनका उपराष्ट्रपति थिए । अर्थात उनी सन् २००९ देखि सन्
२०१७ सम्म अमेरिकाको उप राष्ट्रपति थिए ।
उप राष्ट्रपति बन्नु
अगाडी उनी ३६ वर्षसम्म अमेरिकाको डेलवर राज्यलाई प्रतिनिधित्व गर्दै अमेरिकाको
संसदमा सेनेटर थिए । त्यस अवधिमा उनी महत्वपूर्ण समितिको अध्यक्ष समेत थिए । सन् १९४२ मा जन्मेका
उनी हाल ७७ वर्ष भएका छन् । उनले पदभार सम्हाल्दासम्म उनको उमेर ७८ वर्ष हुने छ । त्यस संगै उनी अमेरिका
इतिहास कै सबैभन्दा पाका उमेरका राष्ट्रपति बन्ने छन् ।
उनले इतिहास, राजनीतिशास्त्र, कानुन लगायतका विषयमा
डिग्री गरेका छन् । सन् १९७२ मा उनको पत्नी र छोरीको कार दुर्घटनामा मृत्यु भएको थियो । सन् २०१५ मा उनको
छोराको ब्रेन क्यान्सरको कारण मृत्यु भएको थियो । बाईडेन स्वास्थ्यसेवा हरेक
नागरिकको लागि सर्वसुलभ हुनु पर्छ भन्ने मान्यता राख्छन् । परिवारका सदस्यलाई
अल्पायु मै गुमाउनु परेको पीडाले पनि उनले स्वास्थ्यसेवालाई जोड दिदै आएका छन् ।
पत्नीको मृत्युपछि उनले
दोस्रो विवाह गरेका थिए ।
बाइडेनले यस अघिको
निर्वाचनमा पनि राष्ट्रपति चुनाव लड्ने तयारी गरेका थिए । तर उनी उम्मेदवार बन्न
गरिएको मतदान मै हिलारी क्लिन्टनसँग पराजित भएका थिए । ट्रंपसँग चुनाव लडेकी
क्लिन्टनले पपुलर भोट बढी ल्याएपनि राष्ट्रपती बन्न भने सकिनन् । अर्थात् उनले ट्रंपसँग
पराजय भोगिन् ।
बाइडेनले आज भन्दा ३२
वर्ष अगाडी पनि अमेरिकी राष्ट्रपति बन्नको लागि उम्मेदवारी घोषणा गर्दै तयारी
गरेका थिए । तर उनी माथि ब्रिटिश नेता नेईल किन्नोकको भाषण चोरेको आरोप लाग्यो । तर विभिन्न विवाद भएपछि
उनले राष्ट्रपति बन्ने सोच त्यागेका थिए । यदि उनी त्यस बेला राष्ट्रपति
बनेको भए अमेरिकी इतिहास कै दोस्रो कान्छो राष्ट्रपति हुने थिए । त्यस वर्ष जर्ज डब्ल्यु
बुश राष्ट्रपति बनेका थिए ।