भारतीय कम्पनी डिक्सन
टेक्नोलोजीले आफ्नो शेयरको अंकित मूल्य प्रति शेयर २ रुपैयाँ कायम गर्न भएको छ । कम्पनीको संचालक समितिले हाल भएको शेयरलाई टुक्र्याएर
कम्पनीको शेयर अंकित मूल्य अर्थात् फेस भ्यालुलाई प्रति शेयर २ रुपैयाँ कायम गर्न
लागेको हो ।
कम्पनीको शेयरको फेस
भ्यालु हाल प्रति शेयर १० रुपैयाँ छ । कम्पनीले १ कित्ता शेयरलाई ५ टुक्रा बनाएर अर्थात स्टक
स्प्लिट गरेर फेस भ्यालु प्रति शेयर २ रुपैयाँ बनाउन लागेको हो । यस स्टक स्प्लिटमा १ कित्ता शेयर हुने शेयरधनीले ५
कित्ता शेयर पाउने छन् ।
कम्पनीका अनुसार कम्पनीको
यो निर्णयलाई शेयरधनीले अनुमोदन गर्न बाँकि छ । सबै प्रक्रिया सकिन २ देखि ३ महिनासम्म लाग्ने कम्पनीले
जनाएको छ ।
कम्पनीले सन् २०१७ मा बुक
विल्डिङ विधिबाट आईपिओ निष्काशन गरेको थियो । कम्पनीले अंकित मूल्य १० रुपैयाँमा १७५६ रुपैयाँ
प्रिमियम थपेर प्रति शेयर १७६० देखि १७६६ सम्मको मूल्यमा आईपिओ निष्काशन गरेको
थियो ।
कम्पनी शेयरको पहिलो
कारोबार २७२५ मा भएको थियो ।
पहिलो कारोबारमा कम्पनीको शेयर मूल्य प्रति कित्ता ३ हजार २० सम्म पुगेर २८ सय ९२
मा कारोबार बन्द भएको थियो ।
आजको कारोबारमा कम्पनीको शेयर मूल्य प्रति शेयर १५ हजार ८ सय ६६ रहेको छ ।
भारतीय संचार माध्यमहरुका अनुसार कम्पनीको शेयर मूल्य एक वर्षको अवधिमा ३ सय प्रतिशतले बढेको छ ।
यो पनि : टेस्लाले १ पटक र एप्पलले ५ पटक गरेको थियो स्टक स्प्लिट, शेयर मूल्यमा के पर्यो असर ?
