चीनको चर्चित राइड शेयिरङ कम्पनी ‘दिदि’ माथि प्रतिबन्ध लागेको छ । प्रयोगकर्ताका संवेदनशील तथ्यांक संकलन गरेको भन्दै साइबरस्पेस एडमिनिस्ट्रेसन अफ चाइना (सीएसी) ले दिदि एपमाथि प्रतिबन्ध लगाएको हो ।
सीएसीका अनुसार मुलुकको ‘डेटा’ संरक्षणको नीति उल्लंघन गरेपछि यो एपमाथि प्रतिबन्ध लगाइएको हो । सीएसीले स्मार्टफोनका एप स्टोरहरूलाई चीनमा दिदि एप उपलब्ध नगराउन आदेश दिएको छ ।
चीनमा मात्रै ३७ करोड प्रयोगकर्ता भएको यो एप सन् २०१२ मा स्थापना भएको हो । अहिले चीनबाहेक अन्य देशमा पनि यो एप प्रयोग हुँदै आएको छ ।
दिदि एप गत जुलाई १ मा अमेरिकाको स्टक मार्केटमा प्रवेश गरेको थियो । त्यसलगत्तै चीनले प्रतिबन्ध लगाएको हो ।