श्रीलंकाका नयाँ अर्थमन्त्री अली साबरीले नियुक्ति पाएको भोलिपल्टै राजीनामा दिएका छन् ।
देशमा आर्थिक संकट चुलिएको बेलामा राष्ट्रपति गोटाबाया राजपक्षेले आफ्ना भाइ बेसिललाई हटाएर साबरीलाई ल्याएका थिए । तर, उनले राजपक्षेलाई पत्र लेख्दै अस्थायी मन्त्री बन्न नचाहेको उल्लेख गरेका छन् ।
सोमवार साबरी सहित चारजनालाई राजपक्षेले नयाँ मन्त्रीका रूपमा नियुक्त गरेका थिए ।
श्रीलंकाले अहिले इतिहासकै सबभन्दा खराब आर्थिक संकट बेहोरिरहेको छ । इन्धन, खाना पकाउने ग्यास र अत्यावश्यक वस्तुको अभाव छ ।