टर्कीको आधिकारिक मुद्रास्फीति दर अप्रिलमा लगभग ७० प्रतिशतमा पुगेको राष्ट्रिय तथ्याङ्क एजेन्सीले बिहीबार सार्वजनिक गरेको छ । मुद्रास्फीति दरले राष्ट्रपति रेसेप तैयप एर्डोगनको सरकारलाई ठूलो चुनौती खडा गरेको छ।
उपभोक्ता मूल्य सूचकाङ्क अप्रिलमा वर्षको तुलनामा ६९.९७ प्रतिशतले बढेको आधिकारिक तथ्याङ्क अनुसार मार्चमा ६१.१४ प्रतिशतले बढेको छ । यो २० वर्ष यता कै उच्च मूल्य वृद्धि दर भएको बताईएको छ ।
युक्रेन र रसिया युद्दको असर तथा टर्कीको मुद्रा लिराको मूल्यमा भारी गिरावटको कारण टर्कीको मुद्रास्फीति अत्यधिक बढेको अन्तराष्ट्रिय संचारमाध्यमहरुले उल्लेख गरेका छन् ।