यही
जेठ २ गते हुने भारतीय प्रधानमन्त्री नरेन्द्र मोदीको लुम्बिनी भ्रमणको कार्यतालिका
सार्वजनिक भएको छ ।
परराष्ट्र
मन्त्रालयले बिहीवार सार्वजनिक गरेको कार्यतालिकामा नेपालका
प्रधानमन्त्री
शेरबहादुर देउवा र भारतीय प्रधानमन्त्री मोदीले मायादेवी मन्दिरमा
आयोजित प्रार्थना सभामा भाग लिने बताइएको छ ।
दुवैले गुम्बा
क्षेत्रमा बौद्ध सांस्कृतिक तथा सम्पदाको शिलान्यास गर्ने कार्यक्रम रहेको छ । त्यसपछि
दुवै प्रधानमन्त्री लुम्बिनी अन्तर्राष्ट्रिय बौद्ध ध्यान केन्द्र र सभा गृहमा आयोजित
बुद्ध जयन्ती समारोहमा सरिक हुनेछन् ।
विज्ञप्तिअनुसार मोदीलाई परराष्ट्रमन्त्री नारायण खड्काले स्वागत
गर्नेछन् ।
दुवै
प्रधानमन्त्रीबीच लुम्बिनीमा द्विपक्षीय छलफल, नेपाल–भारत सहयोग सम्बन्धी समझदारीको
आदान–प्रदान र आपसी चासोका विषयमा कुराकानी हुनेछ ।
प्रधानमन्त्री नरेन्द्र मोदीको भ्रमणले नेपाल र भारतबीचको सदियौं पुरानो समाजिक–सांस्कृतिक सम्बन्ध थप मजबुत हुने परराष्ट्र मन्त्रालयले जनाएको छ ।