बाढीबाट पाकिस्तानमा भएको अनुमानित आर्थिक क्षति १० अर्ब अमेरिकी डलरबाट
बढेर १२.५ बिलियन अमेरिकी डलर पुगेको छ ।
पाकिस्तानमा आएको विनाशकारी बाढीले हजारौंको ज्यान गुमेको छ । चालू आर्थिक
वर्षमा मुद्रास्फीति २४ देखि २७ प्रतिशतसम्म पुग्ने र ३० प्रतिशत पुग्ने अनुमान गरेको जियो न्यूजको समाचार प्रतिवेदनमा
भनिएको छ ।
यसबाहेक गरिबी र बेरोजगारी २१.९ प्रतिशतबाट ३६ प्रतिशतभन्दा धेरै गुणा
बढेर जाने प्रक्षेपण गरिएको छ । पाकिस्तान सरकारको अनुमान अनुसार ११८ जिल्लामा बाढी
आएपछि करिब ३७ प्रतिशत जनसंख्या गरिबीको चपेटामा परेको छ ।
वित्त मन्त्रालय, योजना मन्त्रालय, स्टेट
बैंक अफ पाकिस्तान, एफबीआर, पीआईडीई र अन्यको प्रतिनिधित्व भएको हाइ प्रोफाइल समितिले गरिबी र बेरोजगारी
२१.९ प्रतिशतबाट बढेर ३६ प्रतिशतभन्दा बढी भएको मूल्याङ्कन गरेको छ ।
बेरोजगारी ह्वात्तै बढेको छ तर सरकारले सरोकारवालासँग परामर्श गरेर मात्र
यसको तथ्यांक सार्वजनिक गर्ने तयारी गरेको छ ।
हालैको भीषण बाढीअघि बेरोजगारी दर ६ प्रतिशत थियो । चालू आर्थिक वर्षमा
कुल गार्हस्थ्य उत्पादन वृद्धिदर ५ प्रतिशतबाट २ प्रतिशतमा झर्ने आशंका गरिएको छ ।
स्टेट बैंक अफ पाकिस्तानले चालू आर्थिक वर्षको वृद्धिदर ४ प्रतिशतबाट
२ प्रतिशतमा झर्न सक्ने बताएको छ ।
बाढीपछी कृषिको वृद्धिमा झन् गम्भीर असर परेको र चालू आर्थिक वर्षमा रु
५०० अर्बभन्दा बढीको मूल्य अभिवृद्धि हुन सक्छ । कृषिको वृद्धि लक्ष्यमाथि बाढीले गम्भीर
असर पारेको छ ।
२०२२-२३ को बजेटको पूर्वसन्ध्यामा देशको कुल गार्हस्थ्य उत्पादनको वृद्धिदर
३ प्रतिशतले वाष्पीकरण हुने प्रक्षेपण गरिएको छ र यो जीडीपीको २ प्रतिशतको हाराहारीमा
रहने अनुमान गरिएको छ ।
स्टेट बैंक अफ पाकिस्तानले
अपनाएको नयाँ मोडेलले बाढी प्रभावित क्षेत्रका सबै जिल्ला र तहसीलहरूमा प्रभावित आर्थिक
गतिविधिहरूको आधारमा घाटा निर्धारण गर्ने अनुमान गरिएको हुनाले आर्थिक अवस्थामा गम्भीर
नोक्सानी बढ्न सक्छ ।
स्टेट बैंक अफ पाकिस्तानले स्याटेलाइट
तस्वीरहरू प्रयोग गरी कृषि क्षेत्रले सामना गरेको सही क्षतिको मूल्याङ्कन गरिरहेको
छ । गुगलले सरकारलाई कृषि र भौतिक पूर्वाधारमा भएको कुल संचित नोक्सानीको यकिन गर्नका
लागि आफ्ना सेवाहरू उपलब्ध गराउन पनि प्रस्ताव गरेको छ ।
सन् २०१० मा मुलुकमा आएको पछिल्लो बाढीले ७८ जिल्लामा क्षति पुर्याएको
थियो तर आर्थिक गतिविधिको प्रमुख हब रहेका ती क्षेत्रका ११८ जिल्लामा पछिल्लो बाढीले
क्षति पु¥याएको तथ्यबाट अनुमान गर्न सकिन्छ ।
बिजनेश स्ट्याण्डर्ड डट कमबाट अनुवादित
