सामाजिक सञ्जाल ट्वीटरको स्वामित्व खरिद गरेपछि विश्वका धनाढ्य एलन मस्कले ट्वीटरका प्रमुख कार्यकारी अधिकृत सहितका उच्च कर्मचारीलाई हटाएका छन् ।
अन्तराष्ट्रिय सञ्चार माध्यम न्यूयोर्क टाइम्स, सीएनएन र वासिङटन पोस्टका अनुसार मस्कले ट्वीटरको सेयर स्वामित्व लिएपछि उनले सीईओ पराग अग्रवाल र २ जना अन्य वरिष्ठ म्यानेजरलाई हटाएका हुन् ।
भारतीय मूलका पराग अग्रवाल २०२१ को नोभेम्बरमा ट्वीटरको सीईओ बनेका थिए ।
एलन मस्कले ट्वीटरलाई ४४ बिलियन अमेरिकी डलरमा किनेका हुन् ।