दिल्लीमा २७ वर्षपछि भाजपाको सरकार, केजरीवाल पराजित, कस्तो पर्छ दिल्लीको विकासमा असर ?

भारतीय प्रधानमन्त्री नरेन्द्र मोदीको भारतीय जनता पार्टी (भाजपा) ले २७ वर्षपछि दिल्ली विधानसभा चुनावमा बहुमत हासिल गर्दै सरकार बनाउने निश्चित भएको छ। दिल्लीको ७० सदस्यीय विधानसभामा भाजपाले ४७ सिटमा जित दर्ता गरिसकेको छ भने थप एक सिटमा अग्रता लिइरहेको छ। यो जितसँगै सन् १९९८ पछि पहिलो पटक भाजपाले दिल्लीको सत्ता सम्हाल्ने अवसर पाएको हो।

सन् २०१३ यता दिल्लीमा लगातार सरकार चलाइरहेको आम आदमी पार्टी (आप) ले मात्र २२ सिट जित्न सफल भयो। मुख्यमन्त्री अरविन्द केजरीवाल भाजपाका उम्मेदवार प्रवेश वर्मासँग ३,००० मतान्तरले पराजित भए।

हार स्वीकार्दै उनले सामाजिक सञ्जालमा "जनताको निर्णय स्वीकार्य छ" भन्दै भाजपालाई बधाई दिएका छन्।

भाजपाका लागि दिल्ली विधानसभा चुनाव राजनीतिक प्रतिष्ठा को विषय बनेको थियो। मोदी सरकारको लोकप्रियता घट्दै गएको विश्लेषण भइरहेका बेला दिल्ली चुनावमा बहुमत हासिल गर्नु भाजपाका लागि ठूलो रणनीतिक सफलता हो।

केजरीवालसहित उनका नेताहरू भ्रष्टाचार आरोपमा घेरिएका थिए। मदिरा नीतिसम्बन्धी विवादमा केजरीवाल पक्राउ परेका थिए, जसलाई भाजपाले भ्रष्टाचार निर्मूल गर्न उठाएको कदम भने 'आप' ले राजनीतिक प्रतिशोध भनेको थियो। जनताले केजरीवालको दाबीलाई नस्वीकार्दै भ्रष्टाचारविरोधी छवि बनाएका केजरीवालकै पतन गरिदिएका छन्।

सन् २०३० सम्म दिल्लीको वायु प्रदूषण आधा घटाउने प्रतिबद्धता। 'आप' कमजोर हुँदै जाँदा भाजपाले दिल्लीमा बलियो पकड जमाउने सम्भावना। भारतको संघीय राजनीतिमा भाजपाको प्रभाव अझ बढ्ने संकेत।

विश्लेषकहरूका अनुसार दिल्ली चुनावले मोदी सरकारको लोकप्रियता पुनःस्थापित गरेको छ, जसले आगामी चुनावी समीकरणलाई प्रभाव पार्नेछ।